2008年倒數

不經不覺間又到08年年尾
由於08年仲未過, 所以我仲未打算寫年度回顧
o係我黎講, 08年o既工作日已經完結,
由25號開始放假一直到4號為止, 5號再開工 (total 11日)
自從form 7 grad之後, 我都未試過放咁長假
even以前讀cityu時, d sem break有4個多月
但我都係用晒黎返part-time
而家記一下我剩低落黎o既08年日子&09年年初o既節目安排

Dec 24 - 放16:00
Dec 25 - 去patrick個同學屋企BBQ & 玩通頂
Dec 26 - 去cityu d同學屋企打邊爐
Dec 27 - 去做yen exchange (如果個rate <0.086)
Dec 28 - 同第一間中學o既同學打邊爐. 竟然係我做攪手..... XD
Dec 29 ~ 31 - 去大陸一個叫蟠龍峽o既地方旅行. 到現時為止我仲未知o係邊. 聽講係o係紹興...
Jan 1 - 同patrick d同學去打羽毛波 & 飯局
Jan 2 - 晏晝本身要去工展會.... 而家唔知點..... 夜晚同km family飯局
Jan 3 - 本身plan左去macau.... 仲未知可唔可以成行
Jan 4 - macau之行成功就o係macau; 如果唔係就去以前做part -time o既地方玩
Jan 5 - 開工大吉 (希望到時我仲記得公司o係邊 & 我老細係邊個 XD)

日本語能力試 - 全軍覆沒

今日考日本語能力試
唔洗講啦~ 一路都能力不足
再加上唔夠訓 (朝早5點幾起身呀.....)
所以listening鐵定死晒
reading比past paper難呀
所以預左全軍覆沒
而家準備定考下一次啦

真係好希望o係呢個舊system pass左一級...

70號巴士.... byebye.....

今日係70號巴士o既last day
對於o係沙田出世、沙田長大而所有親戚又住o係上水o既我
70號巴士當然係我成長o既一部份啦~
記得細個時好多人會去上水粉嶺o個邊拜山
我地當然都唔會例外
所以每次o係拜山之前o個晚,
我地都會舉家夜晚趕夜70號巴士去上水,
之後再轉綠的去婆婆古洞村o既屋企過夜
仲記得每次去親我地一家都大包細包咁去
路程長, 巴士又逼人, 所以我地就算有位坐都係分散坐
而且仲要係好逼
回想當時行7字頭路線o既車都係舊式車
再加上要上山路, 所以記得當時好辛苦
到今時今日, 一切一切都只會變成回憶
儘管當時覺得幾咁辛苦, 而家諗返起黎都係值得追憶o既事

paste一下相先~
因為乜野software都唔識用,
所以有人d相我只係用左小畫家加左d白色遮住人個樣



(上)日本有電車男, 香港都有巴士男
d人一路都話呢d男仔唔會有/好難有女朋友
其實我一直都唔太明點解
今日我終於完全明白
睇下上面o個張相, 入鏡o既巴士男其實知道我影緊巴士
佢本來都影緊巴士, 我就打算等佢影完之後行開我就影
點知佢影影下有電話入
佢就咁企正o係巴士前面傾電話....
面對呢d咁自私o既行為我真係無言囉
佢鍾意巴士, 人地都一樣鍾意o既o者
行開少少一陣對佢都無傷害o者
咁唔considerate o既人, 叫人點行近佢地?
(下)再加多一幅巴士男, 左手邊o個位仁兄o既行動連patrick都無言

complain完喇, 再貼相


(上)巴士路線圖


(上)上水總站


(上)熱狗真係已經買少見少....


(上)睇下佢o既patpat先~~


(上)永遠令人懷念o既樣....


(上)行走中o既70號 -- 往上水方向
本身想o係上水總站影只有巴士而又無人o既相
不過因為巴士站堆積左一大群巴士男
所以食左白果
o係失望之際竟然比我o係行去上水市集o既路上見到回程中o既70號
所以就急急咁拎部相機出黎影
雖然效果唔好, 但總算滿足左願望

貼一下上水舊墟o既相出黎
同我印象中o既變化唔太大
我好鍾意呢種街, 好有人情味o既感覺

(上)記得呢檔有左好多年
讀幼稚園時去婆婆屋企小住
佢帶我去上水市集時都有經過呢度


(上)令我懷念o既一個街口


(上) "石湖墟商會" - 細個o個陣只係識讀個"石"字
o個陣成日問我媽o個度係乜


(上)舊式酒家o既外觀, 可惜已經無再營業
如果唔係無論佢係乜野樣, 我一定會上去幫襯一下影下相

(註): 以上我對巴士男o既評論只限於o個別o既人
我絕無一竹篙打一船人o既意思

死期將至 - 日本語能力試

12月7號就要考試喇
今日係日文course o既最後一堂
舊年同今年都有take呢個course
雖然感覺上今年比上年理解得多d
但係始終唔到合格o既水平
到現時為止我只係做左一年o既past paper
仲要係出名容易o個年 - 2006年
但我只有listening拎70分僅僅合格
至於另外兩份paper, 我只有60幾分
如果係2級試就無問題
係一級o既passing percentage係70%
所以而家極度擔心
我真係非常唔想re-take呢個試

今日同日文course o既同學hata傾計
佢話07年份卷變態地難
當年考生o既passing percentage只有25%
聽講過一年易一年難
希望因為舊年難所以今年容易啦...
聽講新制之下o既日文試費用會同其他language體齊
印象中普通話考一次試要過千
韓文都唔係平
日文試近年加幅都已經非常驚人
如果加到同其他language一樣咁貴
到時唔合格一定會喊死.....
(都唔明點解自己讀中學時候成日唔合格都唔會有任何感覺)

身邊o既人好多都考左一級/ 有超過一級o既水準
自己應該要加把勁...... 努力!!!

聽日試下份07年一級
唔明就問老細 XD

故人

今個月係一個好錫我o既婆婆o既兩周年死忌

由我有記憶開始, 呢個婆婆一直都好錫我
佢對我好o既程度好過我婆同我"女麻"
佢老公都對我好好.... 而佢地有個外孫女同我年紀相約
我地細個時都成日一齊玩
我一直都叫佢地"蘇生"蘇太"
每次佢地外孫女叫佢地"公公""婆婆"時,
我都好有衝動跟口
我一直都好希望佢地真係我o既公公婆婆

真係好後悔搬左屋之後好少探佢地
後來公公先去一步, 呢件事我係一年之後先知道
知道o既時間我真係有莫名o既難過
婆婆o係公公過身之後身體每況愈下
記得有一次我去探婆婆
因為o個陣時我有做part-time
所以都想盡一下心意請婆婆飲茶
但婆婆身體實在太差... 佢連落街都有困難
同佢行到去商場時, 佢已經開始哮喘發作
我想送佢返屋企
但佢竟然好堅持要送我去巴士站....
o個陣時我真係好感動
上左巴士之後, 我回頭望佢
佢仲不停咁對住我揮手
佢o既表情好似o係度送走要遠行o既孫女
當時o既情形到今日我仲記得

仲記得我地最後一次o既對話
佢知道我同樓上o既男仔拍拖
佢就講左好多我男朋友屋企o既野比我知
又感概萬千話"呢個時代可以自由戀愛真係好"
我諗我永遠都唔會明白佢o既感受.....

有一日, 男朋友突然o係我office hour時打比我
同我講婆婆當日過左身
雖然知道婆婆一直身體都好差
但都係一時接受唔到佢離世o既事實
o個一刻我真係好難過好傷心
o個種心痛o既感覺, 即使係我親婆過身時都無.....
親人永遠離開自己大概就係呢種感覺罷....

唯一慶幸o既就係我可以有機會去送佢最後一程
呢樣係我最後, 亦都係唯一一樣可以為佢做o既事

至於佢o既媳婦.... 佢都係一個好好o既人
但佢竟然三十多歲就病逝.....
佢明明就係一個健康活潑o既人
亦都可憐佢兩個小朋友年紀輕輕就無左媽媽....
因為我唔知佢已經病逝, 仲o係小朋友&佢老公面前失言
雖然話不知者不罪
但每次諗起都覺得好內疚

早幾個月前曾經發過一個夢
我夢見自己仲係住o係舊屋
就好似乜野都未發生過一樣
大家仲健健康康咁生活
我見到大家好似以前咁o係門口談笑風生
我夢到婆婆同隔離屋o既另一個婆婆傾緊計
我好驚訝咁話"蘇太.... 你唔係已經去左o架咩?"
(我都唔知點解夢中o既我會咁直接)
佢就對我笑笑而無出聲
佢媳婦就做左個手勢叫我唔好咁張揚
我o個一下諗"佢地係人係鬼都唔緊要,
最緊要就係佢地可以開開心心咁生存,
同埋我可以見到佢地"
當然, 當夢醒時都係要接受現實
當我將呢個夢同男朋友講時
佢話"你真係好鍾意呢家人"
佢講得真係完全無錯

細個o既時候, 覺得他人對自己好係理所當然o既事
唔知乜野原因, 細個o既時候我總係好容易得到大人o既疼愛
直到出左黎做野, 遇到各式各樣XXo既同事 (對佢地o既comment太低俗, 要消音)
我就漸漸明白他人對自己好並唔係必然
當遇上人事上o既唔開心時
就好自然會諗起細個時對自己好o既人
同時間亦明白自己而家要擔當o既角色係"施"而唔再係單方面o既"受"

我會永遠懷念公公婆婆一家人....

making of pop'n music controller

pop'n music controller完全度95%!!!!

o係鴨寮街見到pop'n d大大粒制
忍唔住想整返個pop'n手掣


首先, 度好尺寸之後起個稿先


度度位先~


開窿


與此同時, 因為d制本身實在太實同太嘈, 所以patrick就加工
包括剪彈弓, "zip"紙巾




試位


木板開窿工具


ok之後就o係木板上開窿 (特別鳴謝我老豆幫手)


與此同時, patrick就攪電路板 (電路板出自電腦usb手掣)



之後合體


成品


因為未整腳, 所以完成度為95%.... XD

價錢:
制: HK$50*9 = HK$450
木板: HK$69.9
鑽木工具 (當然唔計電鑽): HK$150
usb手掣: HK$??? (因為好耐之前買, 所以已經唔記得價錢)
Total: HK$669.9

Assume出去玩3蚊一局, 我地只要玩224局就會回本... 呵呵呵~~~