雞肋

今日同慧msn, 大家都覺得自己份工係雞肋. 大家明知出去可以搵到人工更好o既工, 但又怕出面o既工o既環境/ 工作方式比而家差; 所以又無膽去改變現狀

最近有d想讀account方面o既elementary course. 畢竟而家做緊o既其中一間公司要我做account方面o既野, 唔想自己比人問到口啞啞乜都唔識答; 但另一方面, 慧又講得無錯; 樣樣識d最終只會做超級大打雜; 佢叫我搵過一份新工好過....

其實自己冷靜d去諗, 而家自己份工除左人工同同事之外, 其他方面都唔係太差o者~ 放工可以準時走. 上司唔發癲時都幾好人丫. 返工時間自由上網, 即使上司知道我一路做一路玩, 只要handle d野無問題就完全唔過問. 上司鬧得唔o岩時可以鬧返佢轉頭. 做滿兩年有14日大假. 一星期返5日食飯70 mins. 數下d好處之後, 又變得唔係好想走 (雖然我已經prepair好一封resign letter o係公司電腦....)

人工就係死症啦, 雖然同上司&社長傾過, 佢地肯唔肯加/ 加幾多就真係聽天由命. 至於同事方面, 唯一好o既地方就係我工作上好少同佢地接觸; even佢地係幾咁麻煩幾咁仆街都好, 一個月頂多同佢地接觸2~3次.... (不過o個2~3次都好難捱, 好多次都想講粗口鬧幫我做野o個條shipping)

過幾日就出bonus.... 希望今次唔會比人呃.....

訓覺

記得由小學2年級開始, 我已經養成左夜訓o既習慣. 我小學時係返下晝班, 所以夜訓唔係一個大問題; 再加上我媽好鍾意o係屋企打夜場麻雀, 所以我就更加夜訓. 記得以前通常係12點幾1點訓, 有時夜起上黎會拖到兩點. 到左而家, 我依然係好鍾意夜訓; 但因為住o既地方離做野o既地點有一段距離, 所以逼住每日都要早起; 因為唔夠訓o既關係, 而車程o既時間又長, 所以我好鍾意o係巴士上面訓覺; 而通常我都係一坐低即訓著. 不過呢兩日好慘..... 坐親o係我隔離o個d都係麻煩o既女人; 坐低時粗手粗腳整醒我都算, 佢地仲要不停咁做d好irritating o既野... e.g. 睇報紙又不停大大力去整張報紙..... o係好靜o既車箱呢d聲係好騷擾; 再加上我唔鍾意報紙d油印味, 所以我已經好火滾... 佢地仲要訓著之後做左d好騷擾o既動作. e.g. 拎唔穩手上o既野, 架車一轉彎時d野飛左去我o個邊.... o個時我訓緊嘛, 比佢地嚇死..... 咁o岩兩日坐我隔離o既人都係咁麻煩, 佢地明明係唔同o既人黎o架..... 點解我會咁黑o架...... >.<

而家通常一日會訓2~4次. 夜晚一次, 返工o個程巴士上面一次, lunch有時會訓, 放工o係巴士上面有時都會訓. 咁當然lunch訓得最短時間啦~ 不過lunch小睡一下真係會提高工作效率; 呢個真係無可否認

上星期三請左一日病假o係屋企訓~ 爽死~~~ 每個月都請一至兩次休養都幾好丫~ XD

擔心.......

patrick最近胃痛呀, 仲要加埋背脊痛..... 佢一定好辛苦.... 諗返之前我都係咁o個陣時, 就知道佢幾咁辛苦.... >_< 希望佢快d好返啦~

琴日OCS有人上黎同我新公司簽service agreement. o個個sale打黎約時間o個陣時d態度好似唔係咁好, 加上又話我地人工高etc. 睇返之前個post人人都知我當時o既感覺o架啦~ 攪到我即用串咀mode. 當佢上到黎時, 我對佢都無乜特別印象. 之後簽晒contract時, 佢就問我"你係唔係AJS o既同學仔?"........ oh!!!!!!!!! 真係他鄉遇故人呀~!!!!! (唔係故知... 因為我地唔同一個tutorial, 所以只係試過lecture同班; 亦因此唔識都唔奇). 都同佢吹左幾句, 原來因為佢以前上dramso莊, 所以成日都走堂, 仲比takahashi鬧佢上堂訓覺.... 因為佢少上堂, 所以大家對佢o既印象都唔深. 同時又一次證明上莊o既害處. 同時亦都好唔明, 明明一個so都唔係太多activities攪到出黎o既o者~ 都唔明點解so員成日都咁忙咁.....

當我同大佬講話我地係同學時, 大佬笑住話"the world is so small" 佢真係講得好o岩呢~ 同慧都傾過呢件事, 佢都話其實讀日文出黎行頭好窄, 大家好易遇返~ 好似佢咁, 我地有個同學做緊o個間公司係同佢而家做緊o個間公司有生意來往.... 情況就係咁~

無心機.....

自從知道無人工加之後, 做野就hea左好多, 對我上司o既態度亦如是..... 唉~ 第一次做野做到咁frustrated o架咋~ 做左一年多都無起色都係第一次..... 諗起都灰...

知道左無人工加之後捉住我上司黎問. 佢話唔係我o既錯, 係"because the company suffered from a big loss".... 之後又講呢樣o個樣; 我心目中o既conclusion就係無論係唔係我o既錯, 個惡果都係要我揹, 即係一句講晒"係我o既錯"... 無晒心機o既情況之下就唔想再講; 而家收緊一份人工做兩間公司o既野, 真係心有不甘

o係咁o既情況之下... 而家開始要"善用"公司o既資源~~~~ XD

死人和記

之前一直都好不滿netvigator, 因為佢d service一d都無進步過. 我記得我99年11月開始有電腦, 12月至1月左右開始上網. 我由一開始就用netvigator, 由無broadband年代開始用, 用到佢一出1.5M時就轉用broadband (我記得當時佢叫"ultraline"). 一直用到今年為止, 佢除左月費越黎越貴外, 任何一樣野都無變過囉. 所以就下定決心轉

之前聽patrick話和記ok, 而和記又打黎向我地promote, 所以就諗住用和記. 本來諗住上個月27號o個日裝, 不過因為我netvigator o個張contract係去到每個月o既5號, 所以cut contract都要5號, 亦因為咁我改左今個月5號裝. 到5號o個日我一到放工時間就乜都唔理趕返屋企. 點知返到屋企時收到安裝o個個staff打黎話我座樓唔夠port位, 所以裝唔到. 佢仲要話唔洗旨意短時間內裝到...... 我頂.... 唔夠resource就唔好學人promote啦. 我當然打上去剷人啦. 和記個sale staff仲要講到好似佢好無辜咁, 我當然知佢無辜. 但o係客o既角度黎講, 我地係消費者, 我地唔需要理佢地內部o既任何理由; 而且佢帶比我不便, 所以根本唔需要原諒. 再者, 佢有推卸責任o既跡象; 所以更加唔可以放過.

和記個sales真係好荒謬....
例子:
我: 個師傅話port位唔夠, 短時間內都唔洗旨意有得上(網)
sales: 等我check一check再比個滿意o既答覆你
我: 咁幾時?
sales: 我盡快啦
我: 咁即係幾時?
sales: 我都唔肯定o架
我: 咁你又講!? 我上司叫我做野, 我都要比個實際時間比佢, 同佢講話我o係個時間之前完成, 我係你個客黎o架. 你唔係更加要跟得緊嗎? 你咁樣點serve客呀!?
sales: .........
我: 請問你幾時check到?
sales: 我聽日day off呀. 不過我會叫我同事覆你.
我: 咁幾時?
sales: 聽日下晝4點左右
我: 好. 咁我等. 至於裝上網方面, 如果你下星期二之前安排唔到, 咁就算喇. 我亦唔會再用你地和記o既上網服務!
sales: 咁好啦~ 請你等我地同事聽日o既電話

第二日當然係無回覆o既電話啦....... (佢都唔係第一次唔覆電話o架啦.....)

之後佢再好好意思打黎死纏爛打..... 再比我剷到佢飛街

因為唔想洗錢兼受氣, 所以就決定唔用和記 (佢攪到我幾日無得上網......)

而家裝左香港寬頻(10M). 暫時覺得佢o既service ok, 之後再睇下點啦~~
有多好多電影台睇呀~ 不過我又唔係太鍾意睇電視.... (其實我鍾意睇電視機多d~ XDDDD)

唔玩得.....

死喇... 原來我真係唔可以玩3d game, 一玩就好頭痛.... 記得o係紅白機年代, 有一隻game係仿3d (我諗係3d game o既最初代形式); 我哥每次玩而我又睇到時就會覺得好暈同好頭痛. 雖然玩會唔舒服, 但隻快暈實在太太太太好玩喇~ ps 2年代已經好鍾意呢隻game. 以前成日同慧&ada講話玩塊魂會快暈~ XDDDD

其實我係唔係應該玩多d呢~? 要適應嘛~ XDDD

唔經唔覺又到星期五lu~ o係星期五下晝office hour o既呢一刻, 我個心已經飛左去放假lu~ 學以前同事阿柏話齋, 星期五下晝唔計, 已經放假o架喇~ 加埋所有日本人唔o係office, 又無乜急野要做, 而家已經超holiday mood

基地琴日停電呀~ 睇黎雪櫃入面d野已經泡湯了~ 好彩唔係太多野o者~

同同事講好左話遲d可能一齊去學yoga. 我成日周身骨痛, 可能學下yoga會好d(o卦!?) 唔知實唔實行到呢~

琴日大佬(即上司)同我講叫我唔洗擔心人工方面o既事, 佢會有arrangement. 希望會加得多d啦~ 仲有, 佢話會改我個title時, 我問佢我將來個title係乜. 佢話"secretary"......媽的..... 我由細到大最討厭呢個title. 我就同佢講"i hate this title!" (註: 我真係用"hate"). 之後佢就問我想叫乜; 我話我諗下先啦~ XDDDD

11號會有個hku intern黎公司. 媽的.... 社長大人話"報酬は出せませんがきっと学ぶ事は多いと思います" 而家d公司當d學生係乜!!!??? 又有d所謂o既大學生o既白痴上釣. 乜野叫做"第時出去interview時有experience"? 得個幾個星期鬼睇你咩~ 做下補習/ summer job, 甚至係去玩下好過啦~ 邊有人貼錢出黎打工o架~!? 做爛個市..... 21號又要去研修了.. 又係MOL.... 又要做report喇....

6月6月6月~~~~ 等出糧就知有無人工加/ 加幾多~~~~

多餘

每次嗌交時都好似係我錯晒咁..... 關心緊張都有錯嗎?
得到o既只係一句"我無時間呀姐姐"
ok~ 好一句"無時間"
我咪唔出聲囉

我目的唔係話你唔溫書
而係習中力問題
不過再講得多都係我錯

每次你唔舒服鼻敏感發作時我都好緊張
因為唔想睇到你咁辛苦
尤其是係考試o既時間
好驚你因為唔舒服而做唔到最好
之後就好唔開心
不過睇黎我關心緊張都係多餘
所以都係唔好再講喇

話咁快又4月lu~~

能力試pass左, 雖然連300分都無, 不過總之pass就算~ 今年係1級同再挑戰jetro~

本來諗住今年同patrick去澳門慶祝生日, 不過都係因為種種問題而postpone左. 希望暑假去得成啦~ 要去o個度係咁食~~~

今個3月食左好多sushi~ 我諗係我咁大個人所食過o既份量o既總和~ XDDDD 不過我依然係唔係魚o既壽司. (ika ok, tako都ok, 只係魚唔得)

今個easter都好多野玩, 熱切期待中~ 希望會好天氣啦~ ^^

好多日o既記事

大佬唔o係度, 又係寫blog o既時間~ XD

媽終於做左手術喇, 雖然話全身麻醉, 但我上到醫院探佢時佢已經好清醒. 回想起我脫智慧齒o個次都係全身麻醉, 但我o既精神真係差過我媽好遠; o係次我只係識訓覺, o係醫院發生o既細節有d仲完全唔知 (唔係唔記得, 而係唔知)

睇左佢做完手術o個隻手, 情況同想像中差唔多. 但活動能力比想像中好. (原本諗住佢遞唔起隻手, 原來ok o架wor~)

點算左利是喇~ 比上年多左少少. 好開心呀~ 不過要還loan, non-mean同找卡數. 好彩兩間公司o既annual dinner我都有少少收穫幫補一下~ 而家期待緊月尾, 視乎patrick得唔得閒再決定去唔去澳門玩~

新年時諗起以前有個鄰居婆婆 (叫”蘇太”)每年新年都會比封大利是我. 佢真係對我好好, 媽話當我出世之後抱我返屋企時, 佢係第一個見到我o既鄰居 ; 可能係呢個原因啦, 佢一直都對我特別好. 即使有其他鄰居同我差唔多年紀, 甚至係我d哥, 但蘇太對我始終都係最好. 今年係第一個無左佢o既新年, 感覺好似少左d野咁. 細個時覺得其他人對自己好係理所當然; 但人越大, 就越明白係難能可貴. 而家好懷念四年級o個年暑假日日都去佢屋企玩o既日子..... 諗返已經變得遙不可及lu. 蘇太o既最後一程我都有送佢; 呢樣係我最後一樣可以為佢做o既野. 至於小慧姨(即係蘇太o既新抱) o既離世真係令我錯愕不已; 只係一場感冒就可以令處於壯年o既人喪命... 人真係好化學; 世事亦都變幻莫測. 估唔到我只係搬走左4年幾, 已經有人離開呢個世界. 無論點都好, 我會永遠懷念佢地

3月2號o個日感冒菌入胃, 攪到又痾又胃痛又想嘔. 下晝頂唔順就早退返屋企. 成日都只係食左件芝蛋治同幾啖粥, 因為食乜都痾所以乜都唔敢食. 一返到屋企就訓到死左咁, 至到夠鐘睇醫生. 個他媽的登記做野慢到死, 佢咁樣一定唔可以去其他地方做; 我睇兩睇已經知道佢d野點做, 都唔明點解佢咁簡單o既野都可以做得咁慢, 仲要係又慢又成日做錯 =_=" 等睇醫生等左好耐, 等拎藥時我比人係咁對住我頭頂咳..... 頂佢個肺.... 不過真係好tired, 無心機嘈喇....

計返起兩年前o既同一日我又係請左假... 好似係發高燒 (成39度有多), o個陣時sars o岩o岩過, 所以人人都有恐慌呢~ 3月2號睇黎好不利我

3月4號寶寶叫我去環球嘉年華, 我見好似recover左所以就去左. 好玩好玩~ 個G force排左我地個幾鐘, 以為好恐怖, 點知..... 唉~ 仲期望好大tim, 好彩幾年前無比120蚊去玩o者~ 之後去左總公司樓下o個間元氣食, 叫得太多喇, 食唔晒. 清清又想請客了~ 唔可以次次都咁o架嘛~ 今次AA啦~ ^^

寫住咁多先~ 留待下次~

百感交雜

呢幾日睇到d野令我好感慨.....

話說星期五o個晚因為patrick唔舒服, 所以我就送左佢返屋企先走. 我送到佢返禾輋之後同行返寺新城市廣場搭E42. 等車時已經見到條隊前面兩個o靚仔 (一個大概五歲, 一個大概四歲) 好死跩. 落車等轉車時又見到佢地同阿媽一齊. 個細o既訓左, 佢阿媽好似抱bb咁抱住佢..... 起碼4歲喇... 仲當佢幾個月大咁抱.... 而個大o既就係咁發脾氣話好眼訓, 仲要將手上o既玩具掟爛. 佢好似係要個阿媽行返去, 又鬧個阿媽咁夜先返屋企攪到搭唔到車等等. 總之就好很嘈, 攪到我都好罄. 因為個細o既都好重, 所以佢阿媽抱得耐都好tired要轉手, 當個放個細o既對腳落地時個細路識企o係度, 一睇都知佢醒左啦~ 但個阿媽仲繼續抱. 為左安撫個大仔, 佢好"溫柔"咁同個大仔解釋. 但個大o既充耳不聞, 繼續發佢o既脾氣囉... 我見到佢咁真係想車佢幾把! 等左好耐車都未有車, 我就打算截的士返去. 當佢地準備行時, 我見到架的士就截車上車. 佢見到我上車就即刻問我可唔可以兜埋佢. 其實我真係好唔想.... 因為我唔係睇唔起佢係大陸人, 而係睇唔起佢唔識教仔! 其實o個陣時我已經罄到極點, 我就話"上車啦! 你個仔好嘈, 嘈左好耐喇!" 我真係唔明白點解個大人可以咁遷就個仔. 我坐前座, 佢地三個坐後面..... 好很臭...... XC=== 之後的士司機收左我地每人10蚊. 我當然無所謂啦, 因為我一開始就打算一個人坐要比15. 我覺得個司機做得好好~

星期六又見到寵兒過度事件.
我打算坐E31轉E42去patrick o個邊食lunch, 又係見到d人寵個仔寵到不得了. 話說個細路 (3歲左右) 一上車就不停叫話要按鐘. 佢o既野蠻程度又係不得可了. 但佢阿爸 (應該係老來得子)一句都無鬧, 只係一味"乙水"佢話"到站就比你按". d語氣又係好很"溫柔"囉, 所以個細o既又係一d都唔聽. 又係一個唔教細路o既老豆

呢兩件事睇到, 香港社會o既將來係無得救. 唔係誇大, 有幾多個人o既性格可以100%改變? 尤其係幼時培育出黎o既性格. 所以而家我要努力, 老時就唔洗靠呢d細路


另一件令我感慨o既事係我收到一對年紀比我細o既夫婦o既利是. 其實我只係識o個個男o既, 因為佢係我大哥女朋友個細佬, 細個時都有一齊玩過. 佢應該細我6年, 而家已經做左人老豆了. 仲記得佢以前係受盡照顧, 估唔到咁快就有自己o既家. 佢個仔真係超可愛, 個b望到乜人都會笑一餐, 仲要係唔識o既都會對住人笑.... 實在太太太攪笑了~ XD

初一至初三

年初一初二東涌好很多人. 個個都排隊搭車/ 吊車上大佛. 巴士條長龍仲排到citygate個plaza..... 無論係巴士同吊車都好貴... 真係水魚們.... 東涌變左魚塘~ XD

初一都係留左o係屋企, 同媽去左飲茶. 諗住去間無去過o既茶樓就唔會撞到d識o既人, 咁就唔洗派利是. 點知都係撞到一個 @@" 茶樓d野好很貴呀~ 不過算啦, 好過自己煮. 之後落左taste行. d野又係mark up左好多. 終於搵到用黎整cheese cake o既cheese, 不過好貴. 都係去返普通o既百佳睇下就算

初二食左兩餐開年飯. lunch去左patrick屋企食; dinner就返自己屋企食. patrick大家姐個bb實在太攪笑了~ 佢好似成日都無表情咁.... 即使聽到佢o既笑聲, 但係佢面部表情都唔係有太大o既改變. 唔通佢係kutar個好朋友~? XD

之後去左星月屋企拎返個打蛋機. 因為知道佢鍾意食chocolate, 所以買左一盒比佢. 點知上到去時見到佢成家都o係度. 佢媽仲好熱情咁招呼我同patrick. 但佢話patrick係我細佬~ XDDDD 星月個二哥係我三哥o既老死, 都問起我三佬呢~ 都同佢傾左幾句. 收左利是傾多幾句就走人了~

返到屋企時已經見到我兩個舅父o係我屋企 =_=" 我好唔鍾意比人響全朵囉~ 記得讀city時有個同學叫我全名, 比我用粗口鏟到佢飛街 (五字真言齊出.... 我真係好無品~ XD) 而家比人叫全名時差d唔識應.... (我太耐無聽過自己全名喇~)

初三赤口同km family食開年飯 (其實係開年party.... 因為無飯~ XD). 我識煮o既野o既種類實在太少喇, 所以來來去去都係o個幾味. 大家都好似開始厭倦喇... 希望我可以快d研究到新款式啦~ 今次好似煮得唔夠咁..... 都唔敢太夜走, 因為初四就要開工~

2006年回顧

因為無乜野做, 大佬又飛左去日本, 所以我個心都已經飛左去放假lu~ 趁住狗年未過, 寫下2006年o既回顧先~

2006年回顧

1月
做舊公司做到火起. 個死人venus將我地咁多個人玩死, 而自己又唔做野. 越來越唔想做. 加上知道hayashi san會o係今年退休, 所以立定決心過年後搵工.

2月
係咁見工.... 一係工唔鍾意我, 一係就我唔鍾意份工. 返舊工返到好無mood, 所以唔想返工時就請病假; 仲要請假去玩~

3月
15號o個日終於遞左resign letter. 因為我係繼keith同jenny之後遞resign letter (佢地係二月月尾同三月頭遞o既), 大家遞信o既時間相隔唔係太多, 所以anna都好surprise. anna問左我兩句點解要resign, 求其敷衍佢兩句就算, 佢亦都無再追問

venus繼續玩野, 最終忍唔住爆粗鬧佢... 大家都好開心~ 佢自己咁得閒就乜都唔做, 乜都丟晒比人做, 正仆街. 之後佢淆底, 自己走黎say sorry; 又係咁同我解釋. 要玩野就唔好淆, 淆就唔好玩野啦.....

4月
舊公司last day係7號. 為左要就新工, 要賠一星期o既錢比舊公司, 有d唔抵o既感覺. 不過可以轉工作環境就算啦~ 去到而家呢間公司, 工作量ok, 教我做野o個個同事好好人, 人人都話我地好似樣 @@" OT一定唔會好似以前咁多, 所以就安排左落黎. 唯一一樣唔習慣o既就係未過probation就無長短週. 不過點都好啦, 都係要捱一下, 捱過左就無問題啦~

同patrick一齊兩年lu, 已經有習慣同佢一齊o既感覺. 希望未來o既日子會越來越開心~

5月
教我做野o個個同事走左lu, 要自己努力喇~ 知道我上司係一個好嚴格o既人, 而自己o係呢份工o既field又無乜經驗, 所以唔努力唔得

今個月同km family一齊租左間屋; o係langham place附近o既唐一樓. 租平但水電貴. 所以一開始時大家都好慳家. 買平家電, 洗屋清潔; 雖然辛苦又要洗錢但真真真係好開心~

6月
漸漸適應呢份工, 但同同事d關係唔太好;對住佢地要步步為營. 好懷念o係舊公司日日同同事uno打牌o既日子 (不過唔懷念死人venus)

好平淡o既一個月

7月
又係好平淡o既一個月. 只係忙籌備新舖o既野

過probation, 不過對份工越來越無信心了…..

8月
生日… 25歲了. 離18,22 越來越遠了….

生日時o係km home過~ 好開心~

9月
prince’s building店開張. 之前忙到得返半條人命….

10月
月尾時發生左一件事; 因為一句說話攪到我好唔開心….. 不過唔好記住lu~ 而家開心就得啦~

公司由今個月開始轉5日制… 正~

11月
媽對手o既病情惡化…又係瑪嘉烈d死人醫生….. 好嬲!!!!

12月
媽對手定左07年2月做手術, 希望佢對手會完全康復啦~

平安日+夜o既km family聚好開心~

-完-

條街好多水魚呀~

琴日係valentine's day, 好多人拎住一束束花.... 但o係我同patrick眼中係好多一對對o既水魚o係我地面前游黎游去~ XDDD

nicole打比我同我吹左兩句. 佢話francis問佢要唔要花, 佢就問francis可唔可以折現~ 做得好~ ^^b

其實不如我趁每年valentine's day前租個短期租約o既舖位, 就只係做o個一日o既生意啦~ 聽媽d開花店o既朋友講, 話佢地做o個一日已經係一年o既生意額~ 又好吸引wor~ (妄想中~) XD

講下我同patrick做左d乜啦~ 我地上左屋食牛扒~ 由patrick煎o架~ 好味~ 我就煮洋蔥汁~ 我地又去左m記買左d薯條同蘋果批送牛扒~ 好開心, 好好味~ 好過出去同人逼 & 食A餐B餐~ XD

團年飯(070211)~

今年團年飯雖然無往年咁熱鬧, 但都仍然係好開心~ 因為有左間屋o既關係, 所以今年團年飯同往年唔同..... 留o係屋企食. 唔洗等, 唔洗同人逼, 亦唔洗比人屈機, 大家一齊窩o係一間細細o既屋度o既感覺都好好呀~

今年有poem爹, 小魚, 豆腐權哥仔, 中和, pp, carrie, patrick同我八個人. 我地今年玩打邊爐. 買左個新電磁爐返黎 (之前o個個比個焗爐整溶左 T_T 都係我o既疏忽....), 可以test一下佢~ 買左好多野食, mainly都係丸 (pp鍾意嘛~) 每人埋單都係$33, 抵到震~~ 之後又係屋內對戰..... 雪糕重視, 贏o既當然又係我啦~ XD

11點4走, 返到屋企都12點半lu~

雖然今日係星期一, 但我個心已經放緊新年假lu~ XD

笑話一則~

o係公司發生左d好攪笑o既事... 就係"擦錯鞋事件"~ XD

話說因為我公司係日本人公司, 所以公司每一個部門o既大粒都係日本人; 而只有account dept係例外. 我o既職位係日日寫sales report, 而每月o既月頭都要交一份monthly analysis比大佬 (即上司), 等佢過目完, ok左之後佢就會send比阿公 (即社長, 我地o既大老闆) 同埋日本總公司. 而今個月大佬就手多多將個report cc埋比account dept o個個香港人大粒(叫simon)同佢個下屬(叫ronald).

好笑o既事就發生左喇~ 當simon睇到個report之後就reply我大佬(只係reply我大佬, 無reply to all, 所以我無收到以下第一個e-mail) e-mail話"呢次係我第一次見到呢種report, 做得好仔細, 好詳細, 分析得好好呀~ 真係好神奇呀~ 我會好努力去閱讀同研究". 之後我大佬reply to all咁同佢講, "呢份report係我地o既xylia寫o架, 請為佢鼓掌". 因為呢個reply to all, 我先知道原來simono係之前o既e-mail係咁擦我大佬鞋. 之後simon仲要reply多一個e-mail比全部人話 "你地兩個都好叻, 我點樣拍馬追都趕唔上你地". 我睇完之後真係忍唔住笑左出黎. 因為simon做野起碼多過我十年以上, 我又邊有可能叻過佢!? 而大佬都話份report係我寫, 做乜佢仲可以無原無故繼續去讚大佬!? 仲要讚到咁露骨..... 唉~

後記:
因為我無用e-mail去多謝大家o既"讚賞"; lunch時我見到simon, 我笑住咁多謝佢"讚賞"我份report, 佢好愕然左一下, 之後好勉強咁同我笑左一下.... 我個心真係笑唔停呀~ XDDDDD

屋內對戰 - patrick vs pp

是日屋內對戰, patrick vs pp
其實大家都勢均力敵, 但由於pp揀左"白飯重視", 而patrick就主力食"食送",
所以結果由pp食左兩大碗白飯而稍挫patrick碗半飯o既戰績~ XDD
戰績: pp - 1勝0敗
patrick - 0勝1敗

之後就係食雪糕~
因為係"雪糕重視", 今次仲唔輪到我大勝pp同patrick~!? XDDDD

poem爹要努力呀~~~ XDDDD

-完-

以上係玩野版o者~ 講返正經啦~
琴日同今日大佬(我公司o個個)去左上海公幹, 所以我又做左530部隊~
今日約左patrick, pp同poem上屋煮飯食
去左新世紀惠康同奧海百佳買野~
原來新世紀惠康就摺喇~ 遲d要上去掃貨~

擾攘左一輪, 最終整左粟米雞粒, 西蘭花炒雜丸同蒜蓉焗帶子(扇貝)
洗米前我問大家會食幾多飯, pp話兩碗, patrick碗半, poem一碗~
咁我就照大家o既份量加埋自己o既半碗去煮~
之後大家都好努力去食, 而食白飯o既戰況同戰果就睇返上面個story啦~ XD
大家都食到好飽呀~

pp好努力咁洗完碗之後我地就第二場 --- 食雪糕~
其實我一直都好希望有好多人陪我食雪糕; 始終自己一個食都係好悶呢~
食得最多o個個當然係我啦~ XDDD

之後大家去左打機 (目標都係為聽新歌) ~ 而我就走先~~

而家突然發現..... 我唔記得食雪櫃o個盒燉奶~ XD

2007年大計

雖然2007年過左一個月有多, 但都係寫一下我今年o既大計啦~ XD
而2006年o既回顧, 就留待下次(!?)寫啦~

1. 寫2006年回顧~ XDDDD
2. 3月要去澳門, 就算唔得都要4月去
3. 搵過間租平但環境好o既屋
4. 人工上5位數字, 如果無人工加就走佬~ XD (妄想)
5. 認真同努力咁做好每一件事 (人越大就覺得自己過去對生活唔多認真, 係時候要檢討一下)
6. 儲錢, 不過好似好渺茫.... (要實行以下o既target o既話呢項就唔洗諗)
7. 讀英文/ 日文. 如果可以o既話就去考試 (日文一級試可能要留待出年)
8. 學車... 又係妄想. 同埋中和&poem爹講過話我揸車一定會好危險~ XD
9. 最緊要o既係...... 開開心心咁過呢一年. 2006年太過多障礙喇,無論係o係朋友方面定屋企方面都有好多唔開心o既事. 希望呢年可以順順利利~ 亦都希望大家可以開開心心咁過未來o既日子~

新張開幕~

新張開幕~~~~

不過暫時未有特別事情要記~ XD
而且夜了~ 留待無限個明天罷~ XD