已經係09年8月; 而家先黎寫08年回顧會唔會太遲呢? XD
好多野o既細節已經忘記得一乾二淨, 只係寫低我最難忘o既事同心情
寫住上半年先.... 因為實在太多野太長喇~
一月
其實無乜特別野發生...... 係老細由24號開始去日本研修, 維期差唔多一個月. o係公司除左做每日必做o既野之外, 我就完全不事生產..... 畢竟人工太低, 自問完全無incentive去搏. 每日返工除左做daily report, shipment之外就係睇漫畫, 一日可以睇over 10本, 睇到眼又痛頸又梗. 即使有d同事察覺到我做非公司o既野, 佢地就算單打我無用; 因為我唔係完全係同佢地同一間公司, 佢地o既老細都唔會點同我有所接觸
二月
o係公司繼續睇漫畫, 不過因為睇得太多, 有d厭倦o既感覺. 老細18號o個日返黎, 因為free左差唔多一個月, 佢一返黎我就覺得好唔習慣.
要做bargain場o既sale staff. 對於習慣坐o既我黎講一日企成10個鐘真係好難頂.... 不過呢次生意好差
三月
今個月係patrick生日, 重點當然係同佢慶祝生日啦~
3月2號o個日又病喇.... 每年o既呢日我都會發燒... 唔通真係宿命?=__=" 我唔想信命呀!
29號o個日返左舊公司ADD... 知道佢地d生意好差, 又準備大office搬返細office. o個一刻真係感慨萬千; 畢竟自己曾經為呢間公司付出過, 而且同d同事度過左一年零四個月o既開心o既工作生活 . o個時o既工作雖然係辛苦, 但都有值得懷念o既日子
四月
半年一度o既見老細set來年度(fiscal year) target o既日子; 亦都係我發圍o既日子. 因為佢呃得我太耐, 所以就決定發佢脾氣. 我入房同佢傾之前先list好"加人工之原因". 之後同佢傾時就逐個point同佢講; o個張list o既長度令佢呆左一呆 XD 我同佢講, 我做野咁耐未試過o係一間公司做過一年都無人工加; 物價都不停咁加, 我o既生活越來越有問題. 我又同佢講話我已經見左其他工, 佢個offer好過公司好多; 如果公司再唔加我人工我就會走; 咁當然, 如果公司o既加幅令我滿意o既話我就stay. 我仲要指摘老細好多次都話加人工加bonus都無做到而令我好失望, 我問佢憑乜要我再信佢. 講數時老細比我嚇到呆晒, 之後就話"我明白喇. 原來你受左咁多委屈, 我而家先完全明白. 你有唔開心應該早d講嘛. 你放心啦, 今次我一定會比到個滿意o既回應比你". 雖然聽到呢d說話, 但其實我已經完全死心. 打算下個月去完旅行返到香港時就開始搵工
27號o個日係大patrick o既大囍日子. 真係恭喜佢~ 希望佢同阿嫂可以白頭偕老~
五月
今個月o既大事當然係去日本旅行啦~~ 我咁大個人都係第一次出國旅行, 所以非常興奮~
雖然自己係學日文, 但自問能力不足; 同埋我總係有個好奇怪o既念頭, 就係總覺得自己學o既日文唔係日本人用緊o既日文 @@" 所以今次o既自由行我好怕同人溝通不能
今次o既trip係由21號至28號8日. 由於AI平, 而且非常早機, 諗住去到日本都係下晝時間可以有多d時間玩, 所以就揀左呢條airline. 本身都擔心架機會好臭, 但睇左人地d blog講話架機無味, 所以即刻放心晒. 形容唔多寫喇~ 點下我最鍾意o既相好過啦~
day 1 (香港出發往關西國際空港, 梅田+大阪)
(上)叫我唔好影即係叫我即刻影o者~ XD
(下) 個design同個idea都好正
(上) 由關西國際空港搭電車去大阪時第一眼o既風景... 呢一刻我先真正感覺到身處異地
(上) 間食肆o既名好有趣 (@梅田)
(下) yodobashi.... 有我總公司o既shop o係呢幢building. 其實影呢張相只係想做樣比老細睇
(上) 總公司o既雪糕店 (@yodobashi umeda)
(上) 返左心齋橋o個邊. 已經入夜
(上)黑門市場
(下)因為太夜去喇, 所以d野比人買晒. 不過淨返落黎o個d真係好平....
(上)｢大阪最好吃的章魚燒｣...好有趣o既中文 (@道頓堀)
(上)基本上係遊客都會去過呢度... 是日女士免費入場
o個呢個商店街入面玩得好開心呀~~ 雖然有相, 但唔方便公開呢~ hehe~
(上) 商店街內景, 完全係仿古設計
(上) 返到酒店o個邊o既電車站見到有張好有趣o既poster
(下) 是晚宵夜 (二人份量)..... 無錯, 我係用較剪去剪tako XDDDD 圖中左邊o個盒燒魚係黑門市場有個老闆知道我地係香港人之後送比我地食的. 佢真係非常熱情
day 2 (姬路 - 姬路&好古園 + 神戶 + 大阪)
(上二)姬路行電車o既途中影o既. d風景真係好靚, 就好似置身o係動畫o既國度一樣....
(上) 姬路站出面, 好開揚o既感覺
(下) 我o既早餐~ 連月森都話好味o既肉まん~ XD (唔好意思.... 我o個陣仲未係月森飯.. 好彩~ XD)
(上) 姬路城對面賣お土産o既店舖. 好有特色o既設計
(下) 姬路城外圍景一張
(上) 令人上癮o既雪糕呀~~~ 我食左季節限定o既青提味
(上) 姬路城一角.... 太鼓の達人o既鬼mode?
(上)姬路城四周o既景色
(下) 姬路城隔離o既好古園, 係日本o既庭園
(上) 好古園o既一角~ 好靚~~
(下) 姬路城對面賣お土産o既店舖. 部機生產緊o既係超~~~好味o既お城焼き
之後我地搭電車由姬路去神戶食出晒名o既神戶牛....
(下) 神戶牛set lunch... 好肥.... 又貴又唔多好食....
(上) 是次trip o既酒店. 好近兩個電車站, 附近又有開24 o既超市, 真係好方便
(上) 是晚dinner地方@難波. 超~~~~~難食
(下二)我地o既註文..... 個樣都ok好睇, 食就....... XC===
(上) 呢兩日o既戰利品&手信 XDDD
day 3 (京都 - 哲学の道 + 銀閣寺[!?] + 清水寺 + 八坂神社)
(上) 想搭呢架巴士, 但完全唔知個車站o係邊. 好彩得到兩位派洗頭水sample o既靚靚姐姐幫手先至搵到車站~
(上) 落左巴士之後就即刻去呢野食早餐
(上)滑蛋天婦羅飯
(下)天婦羅そば+mini 滑蛋飯
(上) 食飽就出發~ 起點 - 哲学の道
但行行下先發現...... 我地根本就唔夠時間行晒原來plan好左o既行程; 而且銀閣寺仲係做緊工程, 所以我地就算係去到門口都｢過門而不入｣
(上)一路行一路食~ 右邊係さくら味, 左邊係ゆず味
(下)好可愛o既decoration. 唔知點解... 睇住呢兩隻熊仔會覺得好relax~
(下)路邊條溪非常淺水, 但唔知點解d魚非常肥美~ XDDD
(上)唔知點解, 佢所有同類都變晒綠色之際佢仲係紅色.... 唔通佢知我想睇紅葉!? XD
(上&下)好Q多人o既清水寺
(上) 座山d樹真係好靚
(上)例影位... o個個真係好好好好多人.....
(上)影左咁多張相最鍾意呢張~ 我公司而家用緊呢張做wallpaper~
(上)去車站途中經過民居. o個度真係好靜好舒服
(上)八坂神社內近出口. 有d似以前玩o個隻紅白機o既奇々怪界.... XD
(下)晚餐一: 月光仮面@黑門市場 (お好み焼き) - 唔知點解.... 一睇呢個名我即諗到禮服幪面俠 XD
(上):晚餐二: 燒牛內臟 - 唔好睇呢間野咁污糟又o係街邊又係立食. 呢間野一d都唔平. 但因為行過太香所以被吸左埋去 XDDD
夜晚我地就坐通宵o既高速巴士由大阪難波去東京
day 4 (東京 - 築地市場 + 淺草雷門 + 秋葉原 + 六本木 + 新宿)
去到東京, 第一件事就係去酒店放低d行理同埋做簡單o既梳洗. 約左個日本朋友o係酒店等; 佢好準時就到. 我地o既第一站就係去築地.
(上)築地市場 - 同想像一樣咁多人
(下)間間餐廳門口都勁長龍, 仲要超多香港人.... 前前後後左左右右都講緊廣東話, 感覺就好似無離開過香港一樣.... (下面係朋友H&M!!! XDDD)
(下)我地點左o既野食. 我係食あなご丼. 非常好食~~
食完之後就出發去淺草雷門. 雖然搭水上巴士好慢, 但都想試下
(下)去碼頭途中o既一條河(渠). 好難想像日本有d咁污糟o既地方....
(上)往淺草o既碼頭係o係呢個公園入面
(下)買飛.... 吾妻橋!? 我老婆橋!? XD
(上)水上巴士
(下)例影位..... 真係好多好多好多好多人.......
(上)今次最幸運o既地方就係o係雷門隔離o個間小神社見到有新人行傳統o既日式婚禮. 日本朋友都話佢地未見過. we're so lucky~當佢地經過我身邊時我仲同佢地講恭喜; 新人都好有禮貌咁講多謝
(下)之後就向秋葉原出發. 本來諗住睇下d二手電子產品. 點知原來一d都唔平. 加上當時o既exchange rate好高(約0.0775..... o個段時間之前大概係0.069左右). 而我又唔係太鍾意figure之類o既野, 所以最終走馬看花咁行左一陣就走
之後就去左東京車站上面o既拉麵店食dinner.
(上)朋友好欣賞呢間拉麵店.... 可惜我覺得太鹹喇~ 可能日本人真係好鍾意食濃味湯底
(下)由拉麵店隻窗向外望可以見到舊東京車站
(左)拉麵食完麵之後我地去左飲野. 因為太大雨所以好多地方都去唔到...
(上)patrick想睇東京鐵塔o既夜景, 但六本木ヒルo既瞭望層無開(天氣唔好wor), 所以d日本朋友就揀左間可以睇到東京鐵塔o既cafe/ bar飲野. 夜d時天氣開始好轉, 睇到tower個影~
(上)我同patrick o既註文 - 100%オレンジジュース同mango cheese cake
實在嚇左我一跳, 所謂"100%オレンジジュース"仲難飲過果x先生. 明明落order時問過個waiter係唔係真係100%... 佢話係. 點知原來係濃縮橙汁 T_T 仲要幾百yen一杯..... 杯野黎到我有怨言時大家笑得好開心.... @@"
之後約好左其中一個朋友第二日見面o既時間就散水返酒店. 感覺上大家o既習慣都係早睡早起 XD (其實只係我同patrick stay左o係香港時間o者~ XD)
day 5 (東京 - 荻窪 + お台場 + 六本木)
是日再得到日本朋友o既招待. 我地先去佢屋企參觀; 佢屋企o係一個叫"荻窪"o既地方. 因為係住宅區, 所以一d都唔出名.... 我最鍾意就係唔出名o既地方~
(上)好寧靜同乾淨o既街. 雨後加上朝早空氣超好. 身處o個度份外精神, 頭腦特別清醒
(上)朋友屋企竟然有暖爐檯!!!! 第一次見, 所以非常好奇
(上)佢屋企個馬桶. design非常好呢... 唔洗浪費洗手水 (但佢好似好介意我睇佢個toilet XD)
因為o個陣時係朝早, 再加上o岩o岩落完雨. 呢個日本朋友屋企周圍o既空氣都非常清新, 香港o既話只有o係我好細個時o既上水區再入o既地方先至有. 而家已經無lu...
再向お台場出發join埋朋友o既"上司" XD
(上)お台場
(下)Aquacity同富士テレビ
(下)是日brunch - 台場拉麵競技博物館o既拉麵 (又係拉麵呀~~ 我至愛~~) 呢個係set. 最難忘竟然係佢個羊肉飯. 好味到癲~ 朋友話呢個係札幌style wor~
(上)附近景色
(下)玩左"筋肉擂台"o既其中一個game..... 發現好多參加者o既數序好差. 唔怪得知kumon o係日本咁受歡迎.... 我同patrick輕易地拎到average以上o既成績. 其實見到第一o個個成績都唔係快得非常緊要; 只要玩多兩次習慣左應該可以同o個個成績鬥.... 不過500yen玩一次.... 我就無咁多錢喇~
(下二)muscle park o既其他games, 不過無乜興趣玩, 亦無咁多錢~ XD
因為想影Tokyo Tower, 所以再戰六本木ヒル.
(上)好開揚o既景色~
(上)是日晚餐o既地方 - 六本木ヒル入面o既呢間居酒屋. 原來日本餐廳係無tips呢樣野... so good~
(下)原本打算stay o係東京o既最後一日係想去川越. 不過送朋友個"上司"走時o係車站見到呢張poster令我同patrick即刻改變主意.... 我係電車女~
除左對自己plan好左o既行程o既路有concept外, 對其他都一無所知; 呢間野都係臨時發現, 所以要去o既話就要上網搵資料. 唔身又唔sure酒店有無得上網, 所以趁住日本朋友仲o係身邊時邊度有網吧... 佢就指左新宿站附近o既其中一間比我地.
上到去好緊張呀~ 因為唔知點同人講好. 好好彩, 最終都非常順利, 我地分左每人一間房, 兩間房中間有度門可以拉開. 坐得都好舒服, 不過好貴..... 好似係每人300yen半個鐘
終於搵好左資料, 準備翌日出發. 坐到夠鐘就返酒店
day 6 (大成鉄道博物館 + 大宮 + 新宿comme ca store)
(上) 大成站.... 不過已經比人叫左做鐵道博物館站
(下)入場費 - 1000yen一個人
(上)個博物館實在太大, 無論我點影都無可能影到全景
(下)呢個鑼道模型真係好勁. 唔知點解....我第一眼睇到時真係感動到有d想喊. 我明明無咁感情豐富...
離開左鐵道博物館之後就去新宿. 約左日本suppler o既其中兩個staff見面 & 去總公司o既其中一間store買野. 好好彩, 我去o個幾日o岩o岩做緊staff discount, 有6折. 買左好多野. 之後上左公司名義開o既cafe度飲野
o係cafe度同o個兩個staff傾計. 同佢講開100%オレンジジュースo既問題. 佢話因為日本無橙, 要慳地方慳運費, 所以日本入口橙之前會將其榨汁之後濃縮變成200%オレンジジュース. 當要飲o既時候再用100% o既水稀釋, 咁就變左100%オレンジジュース.... @@" 哼!!! 我記住你!!! 100%オレンジジュース!!!
佢地想我幫佢地做hand carry..... 彩佢地都傻!!!! 我要趕住返大阪 XD
同o個兩個日本人分開左之後就即刻去車站locker放低堆戰利品, 之後又係食~ 呢晚要食飽d; 因為要坐巴士返大阪, 所以無得食宵夜 XD
(上)去左歌舞伎町
是晚食左3餐晚餐 XDDDDD
(上)第一餐 - 天狗居酒屋 - 佢個鐵板牛肉好好味~
(上)第二餐 - 呢間拉麵雖然無六つ門咁好食, 不過都好好味
(上)第三餐 - 若狹家魚生/ 蟹腳飯
(上)高速バス（新宿発→難波）
食到好飽~ 之後就去車站拎返d野就搭巴士離開東京向大阪進發
(下)巴士途中經過呢個地方. 司機比我地落車去toilet同埋伸展一下. 下落車就覺得好似入左雪櫃; 之後check返gps原來呢個地方係高山地方
雖然之後巴士都有停低比引擎降溫, 但就無比乘客落車. 我都昏昏沈沈咁訓著左
day 7 (京都 - 伏見稲荷 + 東福寺)
落左巴士之後, 即刻去酒店放低d行理再即刻出發去京都o既伏見稲荷
一路都聽patrick講伏見稲荷好靚; 但完全無concept. 一去到.... 見到o既靚景真係畢生難忘
(下)伏見稲荷o既電車站
(下)原來伏見稲荷係求學業o既神.... 等我都求下一級試pass先~ 要考外國o既語言當然要求當地o既神明啦~ XDD 唔通求佛祖比我日文pass咩~ 佢一定會話"東洋鬼子野我唔識wor" XDD
(上)我好鍾意o既鳥居~~~~
(下)陣容鼎盛o既鳥居、壯觀o既鳥居、排山倒海o既鳥居......
(上)日本人真係有心思. 畫o既繪馬人人都唔同~
(上)無錢捐大o既鳥居的話, 可以考慮一下呢d細o既~
(下)賣手信o既舖頭. d稻荷公仔可愛到不得了~~
之後, o係我地o既好奇心之下就開始偏離航道..... 即係蕩失路 XDDDD o岩o岩又無帶gps, o係荒山野嶺都幾狼狽. 好好彩我地落到山腳時撞到有位大叔, 我用我d半桶屎o既日文問佢路, 佢就好好人咁帶左我地去最近o既JR站.
(上)去到一個渺無人煙o既地方.....
(上)原來我地去左一個叫"東福寺"o既小鎮
(上)地圖最頂o既位置就係伏見稻荷大社, 紅色格就係當時我地身處o既地方.... 原來我地蕩到去好遠o既地方....
(上)行左好耐終於去到車站~ 好多学生さん呢~
因為有d肚餓o既關係, 我地o係東福寺車站求其搵左間拉麵店食左碗拉麵(無錯!! 又係拉麵). 一d都唔好食, 不過算啦, 食飽左就再返伏見稻荷買手信
之後就返大阪. 因為實在太tired, 所以就返酒店梳洗一下再出去shopping. 但上到酒店.... 已經陣亡左. 訓左一陣先再出去.
(下)又係去左黑門買宵夜, 今次有蜜瓜~ 真係超級甜~~
買左宵夜之後周圍行, 突然聽到band sound
(下)o係難波南海電鐵站出面見到呢隊街頭band - サルパンチ
佢地o既表演d歌都音樂同vocal把聲都好好聽, 忍唔住企左o係度聽. 質素遠比香港所謂o既"專業歌手"同"職業band"好得多. 見到有single賣, 即刻就買左. 但原來佢地準備出隻album, 不過我地第二日就要走, 所以等唔到. 於是我就同佢個"經理人"講話我係香港人, 第二日就要走, 可唔可以我先比錢佢, 之後佢再寄比我. o個個經理人一口就答應左, 佢仲好開心同團員講話我地係香港人&好欣賞佢地. 佢地個鼓手仲撲左出黎同patrick握手 XDDD 好有趣同好nice呢~
去到11點左右就有個類似警察o既人走出黎趕人, 佢地有個"fans"仲同警察理論tim XD
又夜又tired, 所以都係返酒店休息
day 8 (大阪黑門市場 --> 關西國際空港 --> 香港)
因為係中午機, 所以作最後衝刺去黑門買士多啤梨做手信. patrick兩箱我一箱 XD 佢仲買左壽司. 我地仲未試過大及名物たこ焼き, 所以都順道買左一盒; 但因為太熱食唔到, 又趕時間, 所以都係打包去機場食.
衝呀衝呀~ 本來預多左一個鐘去機場. 點知班機提早登機 @@" 仲想o係機場d餐廳食個臨別的午餐, 食唔到喇.... 仲要發現... 我仲未買手信比大佬二佬 @@" 就快快手衝左入ユニクロ求求其其執兩件 XDDD
check in時.... 阿地勤小姐門話hand carry只可以係一件. 仲有size restriction!!?? 真係天亡我也.... 背囊仲要計一件 @@" 我地仲有幾箱士多啤梨呀.... T_T
(下)臨走時o係酒店附近o個間超市買o既蜜瓜~ 好甜呀~~~
雖然真係好唔捨得日本, 但都係要走.... 唯有寄望出年再去
後記 (呢個一定要講):
(上)呢間位於新宿o既拉麵店六つ門一定要幫襯. 佢d湯濃而不鹹, 麵夠彈牙; 仲要唔貴. 正呀~~
返到香港之後, 我成日都記掛住呢檔d拉麵~ XD
&好多謝所有o係日本接待我地o既朋友~~~ 咁多人都出黎陪我地真係好開心~ ^v^
&原來我學o個d係正常o既日文... 日本人係聽得明o架~ XDDDD
仲有.... 我返到香港日日飲鮮榨橙汁, 飲左差唔多成兩個星期..... XDDD
六月
玩完返黎打算搵工. 但因為好多日無返工, 所以要清晒手頭上o既野先得閒. 而清得晒時已經踏入六月中旬, 所以就打算等到20號出糧日o既結果再作打算.
結果..... 加薪55.56%!!!!!! 同埋升左職. 雖然對於升職無乜感覺, 但呢個加薪幅度令我覺得我o既努力有回報, 所以好開心. 雖然係因為本身人工好低... 所以個increased percentage先咁高. 但點都好, 都係好值得開心o既!
7月&打後o個d有時間先再寫.... 呢篇野已經寫左我3日 & hang左唔知幾多次機....
以上
